仲有5 日就15 號了~ 過左我人生的頭20年, 踏入第21 個年頭 如果我有80歲命, 我已經行過了人生的四份一 呢廿年感覺上過左好耐, 但講起咁就四份之一, 又好似太快 20年前, 1989年2月14日, mammy 痛了= = (詳情我都唔sure@@) 入左聖保祿醫院, 就係o係銅鑼灣le 個潮人出沒o既地區!! hahaha 好似本身諗過趕到2月14 出生, 做過情人BB~ 點知個醫生去左食飯? (點解會咁夜食飯= =) 終於搞到00:20 am 先出世 勉強都叫個遲來o既情人BB 掛?? 嘻! mammy 話生得好舒服的! 當時係住緊荃灣? 筲箕灣? 定係太古城?? 唔記得了= =" 總之我屋企先後住過le 3 個區 對之前比較深o既印象係由我出世冇耐就開始照顧我o既vivien 姐姐~~ 記得佢好高, 好瘦, 但佢好似冇乜講野的...對佢o既印象都只係一d 定格 之後搬左去阿麻家~~ o係置樂! 就正式入住左le 個住左差唔多20 年o既屯門區la~ 當時係同阿麻阿伯伯娘姑姐堂哥堂細佬daddy mammy 家姐一齊住的= = 好多人... 亦開始番樓下的陽光幼稚園~ 讀幼稚園o既生活都係記得d 片段而已... 雖然都仲記得幾個幼稚園同學o既名~ 記得k.1 成班同學好開心~ 到k.2 都係le 班同學! 但唔知點解到k.3 我同另一個男同學編左去另一班!!! 記得好唔開心...成日出入都見到以前o個班同學好開心... 記得老師成日話我高...差唔多日日都話我高...( 我知..我知而家唔算高= =) 記得一個小插曲, 有一日搭校巴番學, 我同poyee 當時都係住市中心 o個日個保姆車姐姐隻眼唔知點解好紅~~ poyee (坐到成個包青天咁)就話 "唔好掂佢ar!!! 佢有紅眼症ar!!!!!" 之後 o既樣 我當時坐佢隔離 (坐得好斯文, 因為poyee "牙"左好多位), 唔知俾番反應.. 好似係叫佢"唔好咁大聲la..." 驚hurt 到個姐姐= ="" 
住左置樂唔係好耐, 就搬左去市中心時代廣場住~ 其實我大部分細個o既記憶都係le 個時間先開始....大約係4 歲左右! 感覺上4 歲last 左好耐@@ 我記得4 歲o個陣仲諗"幾時先大個....?" 估唔到咁快過左4 個4 歲= = o係時代廣場養人生中第1 頭狗!! 廖毛毛!! 嘻嘻 
亦養了魚, 兔仔.... 不過最記得都係le 頭毛毛狗!! (大個先知佢係玩具貴婦狗...) 就o係k.3 o個年我參加左小童軍~屯門東區40旅! 除左日日要帶本簿仔, 要帶兩個1 蚊之外~ 乜都唔記得了!!! 
大約係4 歲開始轉左另一個姐姐!! sally 姐姐!! 佢一直照顧我去到12 歲@@ 記得幼稚園畢業唔開心...因為覺得小學唔會識得番好似幼稚園咁fd o既朋友! 不過....世事難料!! hahaha!! | 
美洲駝小姐
羊駝們
R 緊腳o既charles!
